Menneskeleg elende i Gaza

MIDTAUSTEN: Eitkvart tap av liv må beklagast. Men det kan ikkje vere tvil om at responsen til Israel, målt i tap av sivile liv, er uforholdsmessig, skriv Jan Egeland og Jan Eliasson.

Hei, denne artikkelen er over ett år gammel og kan inneholde utdatert informasjon

Jan Egeland FN sin undersekretær for humanitære saker og naudhjelpskoordinator Jan Eliasson Sverige sin Utanriksminister og tidlegare FN sin undersekretær for humanitære saker (1992-94)

Publisert søndag 17. september 2006 - 07:40
Sist oppdatert torsdag 15. desember 2016 - 05:43

MEDAN VERDAS blikkfang fortset å fokusere på Lebanon, tikkar ei menneskeleg tidsbombe iveg mindre enn 200 km lenger sør i Gaza. Omlag 1.4 millionar menneske i Gaza - meir enn halvparten av dei born - er stua inn i eit av verdas mest tettbefolka område utan fridom til røyrsle, ingen stad å springe, ingen stad å gjøyme seg. Fattigdom, arbeidsløyse, manglar og desperasjon veks i Gaza ettersom tilgongen har vore så godt som avkutta sidan slutten av juni. Det er trist at det som er mest naudsynt i Gaza idag, er nøyaktig det som manglar mest: Håp.35 nasjonar, saman med FN, Raude Kors og ikkje-statlege organisasjonar møttest i Stockholm, tidlegare i september, for å prøve å gjenopprette eit snev av håp for folket i Gaza. Gjevarnasjonar gav løfte om $116 millionar ekstra til umiddelbare humanitære behov i dei okkuperte palestinske territoria, halvparten av desse millionane utgjorde ein del av FN sin appell på $384 millionar. Samstundes som vi rosar gjevarane for dette framsteget, treng folket i Gaza mykje meir - og snarleg. Det manglar framleis 42% av FN sin humanitære appell, trass åtvaringar om ei rask forverring av situasjonen som kan skubbe mange familiar i Gaza over kanten.